ये फेस बुक पर ....

सबी धाणी होणु  छा

ये फेस बुक पर……........................।

ज्येठ मैना काफुल खाणा

हिषर, किन्गोड़ का झोंम्पा लग्याँन

रूड्यों का घामु माँ

ये फेस बुक पर……........................।

असाढ़ का मैना  रोपणी लगणी छन

क्वी क़दवाळ, क्वी मैय्या  लगाणु

गाऊँ की चाची, बड़ी, दीदी, भूली  साटि रोपणयां

ये फेस बुक पर। ……........................।

गाड़ गदनों कु सुंस्याट मच्युं छ

ये फेस बुक पर……........................।

देबता नाचणान .... मंडाण लग्यूं छ

ये फेस बुक पर …..............|

गों का गों , डोखरा, पुन्गड़ा बांजा पड़याँ

ये फेस बुक पर। ……........................।

कुत्ता बिरलों की सैदा

ये फेस बुक पर…………

 गथवाणी , चेस्वाणी, पिंडाळू का पत्यूड़

सब्बि धाणी छ ये फेस बुक पर। ……........................।

न ब्वे का हाथा कु यु सब पक्युं खाण

बस खाली गिच्ची  टपकाण 

ये फेस बुक पर ……........................।

एक नयुं गढ़वाळ बस्युं छ

ये फेस बुक पर..........................||

एक नयुं गढ़वाळ बस्युं छ

ये फेस बुक पर.......................||